Midt i sentrum av fjellbygda Lom, med Prestfossen brusande rett utanfor døra, ligg butikken vår med brune tømmarveggar og gras på taket...

På innsida finn du eit stort utval av småskala og handlaga mat og drikke, som forskjellige typar ost, spekemat, krydder, syltetøy, saft, flatbrød og øl frå norske mikrobryggeri, slik som det heilt lokale ølet frå Lom Bryggeri.

Alle produkta i butikken er handplukka av dagleg leiar Lise, som har studert matkultur, konservering av mat og mathistorie ved Høgskulen i Volda. Men for Lise er det så mykje meir en berre kultur og tradisjon som gjer lokalmaten interessant.

Som ei lita bedrift sjøl, så gledar det oss å støtte andre, småskala produsentar som legg sjel og hjarta i det dei gjer. Småskala mat som er laga på gode råvarer, utan tilsetjing og konservering, og ofte økologisk er betre for oss alle. Mat som er laga av råvarer som er plukka og hausta i sesong gjev eit produkt med meir næring en mat som kjem i ein lastebil frå andre sida av jorda.

For det er nettopp og miljøperspektivet som er viktig, at økologisk mat som er dyrka og framstilt i Noreg er betre for miljøet er utan tvil. Spekemat og kjøt frå dyr som har gått ute på beite i vill, norsk natur gjer noko spesielt med smaken, men er og betre for miljøet en dyr som kun lev av kraftfor laga av soya frå regnskogen. Dyr som går ute heile eller store delar av året er viktig for sterke, glade dyr som i gjengjeld gjev godt kjøt og mjølk av høg kvalitet - kanskje ein av årsakene til alle dei prisvinnande, norske ostane du finn i butikken vår, blant anna Kraftkar frå Tingvollost!

 

 


 

 

 

 I oktober og november er butikken ope slik: Fredag 10-16 og laurdag 10-15.

 

Ellers skjer det litt forskjellig framover:

15.november: ØL OG OST med Lom Bryggeri. Lær nye smakskombinasjonar, og om korleis det er å drive ein nisjebutikk og eit mikrobryggeri i Lom! 350,- pers pers, send ein mail til post@smakilom.no for å melde dykk på.

30. november: Vi markerar Nisjebutikkens Dag i butikken!

30.november og 1.desember: Vi deltek på Julemarked Maihaugen

13.desember: Ølsmaking og juletapas med Lom Bryggeri